Investigadores del CiMUS de Santiago logran inhibir la proteína que permite el desarrollo de esta dolencia en pacientes con hígado graso

O traballador non contaba nin coa formación nin coas medidas de seguridade precisas para acometer un traballo en altura e caeu desde seis metros.

Ecoloxistas en Acción interporá este martes ás 10.30 horas, ante os Xulgados de Noia, querela contra a empresa neerlandesa propietaria no navío causante da vertedura por un delito contra o ambiente e os recursos naturais.

A organización lembra que o pasado 8 de decembro o buque Toconao, de bandeira de conveniencia, perdeu 6 contedores á altura de Viana do Castelo, preto xa de augas galegas. Un deses contedores, da empresa Bedeko Europe, contiña millares de sacos, de 25 kg cada un, cheos de millóns pellets de plástico, que se veñen esparexendo polas costas galegas.

Estas bolas de 5 mm…

O tenso debate que esta terza feira rematou coa aprobación dos Orzamentos para 2024 tivo tamén momentos de certa comicidade, como o protagonizado pola nacionalista Olalla Rodil e o popular Moisés Rodríguez Pérez. Frenética sesión a que se viviu no Parlamento Galego para aprobar os orzamentos da Xunta para o vindeiro ano e comezar a despedir unha lexislatura cuxo fin está cada vez máis próximo. Os debates foron subindo o ton preelectoral, aínda que non só houbo momentos de tensión, senón tamén algún que outro 'ataque' de risa (...) Previamente, no marco doutro debate sobre as medidas no ámbito…

A Iniciativa Xabarín pola programación infantil e xuvenil en galego na televisión aprobouse por unanimidade no Parlamento galego en maio de 2021, avalada por máis de 33.000 persoas. O acordo parlamentar promovido pola Mesa con amplo apoio social recollía que a TVG “aumentaría a oferta en galego destinada á infancia e á mocidade, a través do reforzo e a promoción das 4 canles Xabarín” e que “o sinal destas canles sería distribuído a través dos paquetes básicos das operadoras de televisión por fibra óptica, satélite, adsl e tecnoloxía móbil”. O BNG interpelou ao Goberno galego polos motivos de…

As Eurorrexións dos Estados membro da UE Portugal, España e Francia reuniránse para promover a cooperación e abordar o estatuto do traballador transfronteirizo. Nuno Almeida, presidente do AECT Galiza – Norte de Portugal, destacou que, aínda que este estatuto fora debatido nas últimas cimeiras Luso-Españolas, aínda non se concretizou. De 1,3 millóns de traballadores transfronteirizos en Europa, máis da metade están entre Galiza e o Norte de Portugal. O encontro terá lugar en Vigo, e busca intensificar a cooperación entre as rexións, abordar a innovación e discutir a cultura e o patrimonio. A Eurorrexión Galiza-Norte de Portugal abarca 51 mil quilómetros cadrados e ten unha poboación de 6,4 millóns de habitantes.

Cerdedo pola Sanidade Pública denuncia “un novo caso do mal funcionamento do Sergas á hora de programar as citas para acudir a un ou unha especialista así como para a realización de determinadas probas diagnósticas”. A entidade advirte do “caso dunha veciña do lugar de Vilar, en Cerdedo, que despois de acudir ao noso centro de saúde o día 7 de xullo por un pequeno vulto nun ombro, o facultativo de Atención Primaria pediu facer unha ecografía, pero anotou con “prioridade normal”. A plataforma apunta que o médico “non ten en conta que é unha doente operada de cancro de mama e a tratamento desde hai tres anos, e polo tanto o risco de tumores é maior que noutras persoas”.

A Romaxe Viquinga do Vicedo vive este sábado o seu gran día. O espectacular desembarco congregou este mediodía a unha multitude na praia de Area Grande / SanRomán , que presenciou a continuación a batalla entre o Rey Björ Ragnarrson Costela de Ferro contra as tropas cristiás do Rey RamiroI . Queiman e Pousa organiza a vistosa escenificación.

'Xálima' é un documental de RadioFusión emisoras, que conta coa realización da cooperativa Xarda, e que pretende achegar a poboación á terra da Fala. A terra da Fala é un “pequeno país” ao noroeste de Extremadura.

No século XII, unha colonización de galegos chegados a Extremadura se asentou na esquina máis noroccidental desta comunidade, a menos de 10 km de Portugal. Dise que, dese fito histórico, naceu a Fala, unha lingua que a día de hoxe segue a ser obxecto de estudo e que só permanece en tres vilas da zona: Valverdi du Fresnu, San Martiño de Trebello e As Ellas -coñecidas como os Tres Lugaris-. Estas tres vilas atópanse dentro do val coñecido como o Val do Xálima.

Está anotada no reverso dunha escritura notarial datada o 2 de abril de 1477 e conservada no Arquivo da Real Chancillería de Valladolid. Os máis curiosos descubrimentos xogan ás agachadas. Permanecen silandeiros nos lugares máis particulares, poñéndollo o máis difícil posible a aquel que busca cos ollos ben abertos. Aínda que o investigador que escudriña nos documentos históricos o fai co afán de atopar algo en concreto, o azar ábrelle a porta a todas aquelas manifestacións dos nosos antepasados que están agardando a ser descubertas. É o caso da primeira receita médica en galego, datada o 2…

A Carballa da Rocha é un dos poucos monumentos naturais con que conta Galicia, foi declarada como tal no 2007. Nas imaxes pódese ver a unha da irmás da carballa tallada polo pé e a outra desmoucada/decapitada…Na contorna deste monumento natural e na área da reserva da biosfera están tallando polo pé e desmoucando carballos centenarios sen xeito e sen ningún tipo de control. Estes monumentos naturais están protexidos por lei así como a súa contorna polo que este ARBORICIDIO é aínda máis inexplicable e inxustificado. Lembrar que Galicia é o territorio con menos espazo protexido de Europa un escaso 12% cando a media europea é de máis do 30%.

Un estudo da USC usa as novas tecnoloxías para ampliar información sobre o xacemento de 10 hectáreas situado entre Padrón e A Estrada.
A interpretación dixital e a prosprección arqueolóxica en campo permitiu coñecer máis sobre Castro Valente ou A Cerca, unha fortaleza da época romana dunhas 10 hectáreas situada entre Padrón e A Estrada. Os arqueólogos da Universidade de Santiago de Compostela Mario Fernández-Pereiro e José Carlos Sánchez-Pardo publicaron recentemente, dentro do proxecto "Castelos no aire", un artigo que indaga na tipoloxía e técnica construtiva do sistema defensivo…

A CIG asegura que Ibrahima e Magatte foron despedidos por acollérense ao seu dereito de coller vacacións. A empresa esgrime "causas económicas e produtivas" e necesidade de persoal "máis cualificado" e anuncia a intención de emprender accións legais contra o sindicato por atribuírlle "falsidades".

Sorrisos pícaros, autorretratos medievais e traseiros a modo de desaugadoiros son algúns dos exemplos desta arte en pedra.

"El documento más antiguo que explica cómo golpear a los niños que hablen gallego en la escuela es de 1543. Es más antiguo que los que se conservan para las otras lenguas del Estado". O diario publico fala co @carloscallon de "O libro negro da lingua galega". Vía twitter.com/Xerais/status/1598286156294225920

Investigadores da USC adiantan unha degradación do terreo queimado e unha menor existencia de masa arbórea no futuro. Os incendios que devastaron a paisaxe galega xa están extintos, baixo control ou estabilizados. Porén, as súas consecuencias persistirán de maneira permanente. Segundo explican os expertos, a degradación do solo provocará unha vulnerabilidade que de cara ao futuro dificultará a repoboación. A superficie queimada supuxo unha das maiores perdas por incendio da historia de Galicia, pois estímase que máis de 30.000 hectáreas foron arrasadas no Courel, Valdeorras e Quiroga, con…

A desaparición, nunha noite, de dous escuadróns do exército francés na zona de Betanzos. Todo. Soldados e cabalos. Sen rastro. Ata hoxe, aínda non se sabe con certeza que aconteceu. Ou si (...) Pois ben, ao redor do 9 de febreiro, o Alto mando francés descubre que os dous escuadróns de artillería non aparecen.
200 homes de elite con 200 cabalos. Desaparecidos. Sen avisos. Sen trazas. Sen informacións de combates ou emboscadas. Nada (...) Esa noite douscentos franceses foron mortos. Foron sacados e sepultados nun lugar -ou lugares- que todos os rastreadores do exército non deron atopado. Pero…

Cando chegaba o inverno e as neves cubrían o Cebreiro, as avoas ao ver un paporroibo dicianlles aos cativos: estes paxariños veñen visitarnos pra lembrarnos que por moi cativo que sexas, se levas o lume ben encendido no corazón, non hai frío que te conxele. Dito popular.

O executivo comunitario propón adiantar prazos das actuacións previstas nos grandes corredores de transporte da UE, como o Atlántico do que xa forma parte Galicia, e anuncia novas medidas de mobilidade urbana para todas as cidades de máis de 100.000 habitantes.

Sen dúbida un dos episodios máis fascinantes do s. XV foi a gran revolta irmandiña. Pero a visión popular sobre este momento pertence máis ao presente que o pasado! Explícome. Para empezar, fíxate nesta gráfica que sinala a presenza do termo no corpus de textos de Google Books en español. Aínda que nos textos galegos fálase antes das Irmandades medievais, o termo e, en certo xeito, a forma de velo, nace nos 70 e sobre todo a partir dos 90. Para comezar, unha imaxe arquetípica: os paisanos do rural con fouces, forcas e fachos queimando castelos, verdade?
Ben, pois FALSO. A verdade é moito…