Tornaron. Otra vegada. Como tolos años. Y con ellos, los vasallos y vasalles -y tán qu’echen fumo les peluqueríes y xastreríes d’Asturies-, el golor a naftalina, los llabores de xardinería, el poner la ciudá de punta en blanco, l’arrancar cartelos que nun-yos presten, los controles, los cacheos, la presencia permanente y descomanada de furgones con lluces azules, los francotiradores, les molesties a les vecines y vecinos qu’han de caleyar pela ciudá col DNI na boca, en definitiva: los premios principiegos. Uviéu ye la ciudá más guapa del mundu…