A pegada toponímica e patronímica dos suevos na Coruña

Os suevos eran un pobo xermánico que habitaba a ribeira leste do río Elba, nunha área comprendida entre o río Elba e o río Oder, que se corresponde na actualidade cos estados de Mecklemburgo, cuxa capital é Schwerin, e o estado de Brandeburgo, ámbolos dous pertencentes a extinta R.D.A. Eran, xa que logo, un pobo báltico e costeiro que se estendía entre Dinamarca e Polonia, de feito a costa norte da antiga R.D.A era chamada Mare Suebicum polos cronistas romanos. Tamén se di que os suecos, da raíz swe, son un pobo xermánico de orixe sueva.