Defensa da Ría presenta denuncia no xulgado contra o presidente de Ence

A Asociación pola Defensa da Ría presentou denuncia no Xulgado de Instrución de Garda de Pontevedra contra o presidente de Ence, Ignacio de Colmenares, polas súas recentes palabras sobre a situación de perigo das instalacións da fábrica de Lourizán.

A denuncia foi presentada esta quinta feira, xoves, e segundo o presidente da asociación, Antón Masa, céntrase en dúas cuestións fundamentais, a primeira delas no feito de tentar "chantaxear repetidamente un alto cargo do Goberno".

En concreto, a APDR considera de "suma gravidade" que Ignacio de Colmenares acuda até sete veces a reunirse co Secretario do Estado para que modifiquen un texto legal que "estivo en exposición pública", polo que Ence "puido alegar o que considerase oportuno".

O outro punto refírese á situación da planta e ao perigo para o ambiente e os traballadores que supón a falta de mantemento. Denuncian que queren supeditar o mantemento a que se prorrogue a permanencia da empresa en Lourizán alén do 2033.