O Camiño dos Faros, unha das rutas máis impresionantes de Europa, en perigo pola desidia administrativa

Os Trasnos, hoxe a Asociación Camiño dos Faros, declara estar a piques de tirar a toalla. O motivo a imposibilidade de desenvolver o proxecto fronte os atrancos que están a poñer as administracións, dende a propia Xunta de Galicia, con Turismo de Galicia e a Consellería de Medio Ambiente ó fronte, ós 9 Concellos, pasando pola propia Deputación. E é que despois da inmensa promoción ano tras ano Os Trasnos atoparon un problema, excepcional e insalvable, a imposibilidade da súa homologación.