(...) "¿Es esto una broma? Los orensanos no queremos ni nos merecemos esto."

Os case 14 millóns de euros que vai custar, di a CIG, "darían para contratar 6.628 técnicos en documentación sanitaria ou 7.380 de persoal de servizos xerais" durante mes e medio, xa formados e en contacto co sistema galego de saúde.

Fontes do sindicato Prosagap denuncian a GC que, con esta medida, toda unha importante área como é a do Salnés quedará sen atención médica directa. A actual ambulancia será trasladada en breve para Portonovo. A Xunta sempre reforzaba esta zona con outra ambulancia medicalizada no verán para atender a enorme afluencia que se rexistra na zona, especialmente de turistas madrileños, pero este ano decidiu prescindir desta e desprazar a que había en Vilagarcía. "Non ten sentido que a despracen porque deixan toda a zona do Salnés descuberta" (...)

O número de contaxios por coronavirus na área de Vigo aumentou 24% até chegar aos 633 casos positivos, segundo os últimos datos da Xunta. É precisamente esta a cidade que viu fechar máis centros sanitarios, entre eles o Policlínico Cíes e o Hospital Xeral. Estas infraestruturas sen utilizar suman un total de 517 camas. SOS Sanidade Pública empraza a Xunta de Galiza a telo en conta, posto que o Goberno galego asegurou que estaba en busca de hoteis para os habilitar con recursos sanitarios ante un eventual pico da pandemia.