“Non se trata de facer un encoro, se trata de aproveitar a auga do lago para facer unha balsa e facer un circuíto integrado da auga e producir enerxía hidráulica”. Así describiu este xoves o presidente da Xunta o proxecto que vén de anunciar Reganosa, en alianza con EDP Renováveis. O presidente di que o anuncio da compañía, con varios altos cargos da Xunta no consello de administración, responde "aos seus propios intereses" e que cando presente formalmente o proxecto “miraremos o cumprimento da normativa ambiental".