Preguntan a Caballero cando vai instalar as luces de Nadal, xa pagadas, fóra do centro

O Bloque Nacionalista Galego pregunta a Abel Caballero cando se van instalar as luces de Nadal fóra do centro de Vigo. «Estamos a 14 de decembro e unha parte importante deses elementos aínda non foron instalados e un bo número de rúas, fóra do centro, continúan sen alumeado de Nadal», cuestionou o portavoz municipal do BNG de Vigo. Xabier P. Igrexas, lembra que o custo do alumeado e decoración aumentou até un 60% nos últimos tres anos, o que supón máis do dobre de gasto do que o Concello destina a axudas sociais.