O primeiro 'notebook' deseñado en Galicia leva semanas entre os 10 portátiles máis vendidos na maior plataforma de comercio electrónico. A empresa ourensá Primux leva dez anos instalada na Tecnópole, no Parque Tecnolóxico de Galicia, en Ourense, onde deseña e desenvolve os seus produtos: dende móbiles, tabletas e ordenadores. Din que a clave do seu éxito é sacar produtos de calidade a prezos moi competitivos.