RTVE estreará o ano que vén unha película documental e unha miniserie para TV arredor da investigación do ADN de Cristóbal Colón, un proceso que durou case 20 anos. Pode que para a estrea prevista para o 12 de outubro de 2021 ninguén queira reivindicar ser o seu berce (...) Pero aínda que quen chegase en 1492 á illa Guanananí fose Ghandi e non o mal bicho que probablemente foi Colón, as consecuencias serían as mesmas. Botarlle a culpa ao navegante do que pasou na colonización é como culpar a Gutemberg de que se editen As Sombras de Grey.

O Correlingua, percorrerá doce localidades galegas entre o 5 e o 16 de maio, baixo o lema: "Galego, o paso adiante" en diálogo aberto co escritor lugués homenaxeado este 2014, Xosé María Díaz Castro, quen, no inesquecíbel Penélope, falaba do abalar da historia de Galiza: “un paso adiante e outro atrás, Galiza, e a tea dos teus soños non se move”. Pois ben, neste ano en que se cumpre o 1º centenario do nacemento do escritor, o Correlingua quere responder desde o presente que avanzamos coa nosa lingua, porque o galego é un deses pasos adiante que citaba o poeta.