O persoal de Editorial La Capital está a secundar o segundo día de folga en demanda do cobro dos salarios, unhas condicións dignas, un plan de viabilidade e contra os continuados despedimentos nos distintos xornais que publica o grupo editorial (El Ideal Gallego, Diario de Ferrol, Diario de Arousa, Diario de Bergantiños e DxT Campeón). Esta segunda xornada de folga, ao igual que a primeira, tamén está a rexistrar un amplísimo seguimento.